Радий Хәбиров тәүге тапҡыр Волга буйы федераль округы губернаторҙары медиарейтингына инде

«Медиалогия» мәғлүмәт аналитика системаһы 2018 йылдың октябре өсөн Волга буйы федераль округы губернатораҙары медиарейтингын төҙөнө. Башҡортостан Башлығы вазифаһын ваҡытлыса башҡарыусы Радий Хәбиров тәүге тапҡыр рейтингка инде. Унан тыш, республика етәксеһе беренсе урында тора.

Уҙған айҙа Радий Хәбиров хаҡында киң мәғлүмәт сараларында 9774 яңылыҡ баҫылған (медиаиндекс 100 376,0). Башҡортостан Башлығы вазифаһын ваҡытлыса башҡарыусы артынса Татарстан президенты Рөстәм Миңлеханов килә (7978 яңылыҡ һәм медиаиндекс 60 823,8). Өсөнсө урында – Түбәнге Новгород өлкәһе губернаторы Глеб Никитин (52 403,8 медиаиндекс менән 8086 хәбәр).