Владимир Путин "Армия-2019" форумында

Дәүләт башлығы “Армия-2019” халыҡ-ара хәрби-техник форумында булды.

Ул хәрби өлкәләге инновациялы эшләнмәләр экспозицияһын һәм юғары технологиялы махсус техника төрҙәре өлгөләрен ҡараны. Бынан тыш, Президент ҡатнашлығында форумда ҡул ҡуйылған килешеүҙәр менән алмашыу тантанаһы үтте.

“Армия-2019” V халыҡ-ара хәрби-техник форумында 1300 самаһы предприятие ҡатнаша. Сара 25 июндә башланды, 30 июндә тамамлана.

Йыйындың ғилми-ғәмәли программаһында ҡаралғанса, дәүләттең оборонаһын тәьмин итеү, халыҡ-ара хәрби, хәрби-техник, хәрби-иҡтисади хеҙмәттәшлекте үҫтереүгә йүнәлтелгән 170-тән ашыу сара үтәсәк.

#ВладимирПутин

Автор: Д. ИШМОРАТОВА.

Фото: kremlin.ru

https://bash.rbsmi.ru/articles/s-y-s-t-m-kho-u/vladimir-putin-armiya-2019-forumynda/