Һайлау байрам төҫөн алды

Һайлау көнөндә район мәҙәниәт һарайы ҡаршындагы майҙанда ҙур байрам уҙғарылды.

Сәнғәт үҙешмәкәрҙәре бай концерт программаһы тәҡдим итте. Һуңынан Рәсәйҙең халыҡа-ара класлы спорт мастеры, Европа чемпионы һәм донъя кубогы этаптары еңеүсеһе Насибулла Хөснуллин ҡатнашлығында флешмоб ойошторолдо.

«Йондоҙ менән зарядка»ла балалар һәм үҫмерҙәрҙән тыш, өлкәндәр ҙә дәррәү ҡушылды. Сарала ҡатнашыусылар өсөн ҡыр кухняһы булдырылғайны. Теләгән һәр кем тәмле бутҡанан ауыҙ итте, хуш еҫле тәмле сәй эсте.