Нефтекамалар һайлауға битараф түгел

Нефтекама ҡалаһының 1-се лицейында урынлашҡан 494 һайлау участакаһында һайлауҙар әүҙем үтә.

Һайлау залы яҡты, таҙа, иркен, унда тауыш биреү кабиналары һәм бюллетендәрҙе, кәрәкле документацияны эшкәртеү өсөн ике комплекс булдырылған. Һайлауға килеүселәрҙе яҡты йөҙ менән ҡаршы алалар.

Вестюбилдә сауҙа итеү ойошторолған. Пенсия фонды, Халыҡҡа социаль ярҙам күрһәтеү, Халыҡты эш менән тәьмин итеү үҙәктәре белгестәре айырым өҫтәлдәр артында үҙ компетенциялары сиктәрендә консультация тәҡдим итә.

Һайлауға килеүселәргә кескәй бүләктәр ала: йәшел сәй, рулет, һыуытҡысҡа элергә магнит һәм «Әүҙем гражданин» акцияһы буйынса ташлама талоны.