Иң уңышлы ҡатын-ҡыҙҙар араһында

Ҡатнашыусылар 10 номинацияла билдәләнде: «ҡатын-ҡыҙ – әсә», «ҡатын-ҡыҙ – лидер», «ҡатын-ҡыҙ – ғалимә», «ҡатын-ҡыҙ – уҡытыусы», «ҡатын-ҡыҙ — бизнес-леди», «ҡатын-ҡыҙ — һөнәр оҫтаһы», «ҡатын-ҡыҙ — йыл үрнәге», «ҡатын-ҡыҙ – өлкән йәштәге әүҙем йәмәғәт эшмәкәре», «иң йәш йәмәғәт эшмәкәре», «мәҙәниәттә ҡатын-ҡыҙ».

Ағиҙелдән конкурстың финалында ике гүзәл зат ҡатнашты: башҡорт гимназияһының башланғыс кластар уҡытыусыһы Гөлназ Ғәлиева һәм Ағиҙел ҡалаһы ҡатын-ҡыҙҙар Советы рәйесе, «Берҙәм Рәсәй» партияһының урындағы бүлегенең башҡарыусы секретаре Флүрә Мифтахова. Улар Башҡорт ҡатын-ҡыҙҙары йәмғиәтенең дипломдары һәм иҫтәлекле бүләктәр менән бүләкләнде.