Башҡортостанда уртаса пенсия билдәле булды

2022 йылдың ноябрендә Башҡортостанда пенсионерҙарҙың дөйөм һаны 1,152 миллион тирәһе кеше тәшкил иткән, уларҙың 176,7 меңе эшләп йөрөгән. Был хаҡта республика статистиктары хәбәр итте.

Сағыштырыу өсөн: 2022 йылдың ғинуарында республикала 1,149 миллиондан ашыу пенсионер иҫәпләнгән, уларҙың 186,5 мең самаһы эшләгән.

2022 йылдың ноябрь башына Башҡортостанда тәғәйенләнгән уртаса пенсия 18 043 һумға еткән.

Сығанаҡ: «Башинформ» мәғлүмәт агентлығы.