Ял көнөн ғаилә менән һырғалаҡта үткәрҙеләр

Быйыл ағиҙелдәр һырғалаҡты оҙаҡ көттө – тик 4 ғинуарҙа ғына спорт мәктәбе педагогтары уны эшләп бөтөрөп, асыу тантанаһын үткәрҙе. Шул көндән бирле ул буш тормай, төшкө 12-нән киске 9-ға тиклем эшләй. Бында конькиҙарҙы прокатҡа алып торорға ла була.

9 ғинуарҙа шорт-трек буйынса ярыштар үтте. Иң шәп конькиҙа йөрөүселәр тип Диана Ғәлиева менән Денис Сафин танылды. 5 йәшлек Софья Неганова иң кескәй спортсы булараҡ бүләкләнде.

12 ғинуарҙа ғаилә ярыштары үтте. Балалар менән ата-әсәләр парлашып ярышты. Өлкәндәргә конькиһыҙ ярышырырға ла рөхсәт ителде. Ярыштарҙа ҡатнашыусыларға төрлө бәйгеләр тәҡдим ителде: «йылан», «паровоз» булып йүгерергә, туп, сәкәнде йөрөтөргә. Ярыштар бик ҡыҙыҡлы үтте, барлыҡ ҡатнашҡан ғаиләләр ҙә татлы бүләктәр алды.