Ҡурай
+6 °С
Болотло
Бөтә яңылыҡтар
Спорт һәм туризм
8 Март 2021, 19:53

Ағиҙелдә ҡатын-ҡыҙҙар футбол уйнаны

6 мартта “Ағиҙел” спорт-ял итеү үҙәгендә үҙенсәлекле сара үтте: бында ҡатын-ҡыҙҙар футбол уйнаны.

Уйын бөтә ҡағиҙәләр буйынса үтте. Хатта командаларҙың исемдәре дә ысын футболса ине: йәшел формалағы команда үҙен “Реал Мадрид” тип атаны, зәңгәрҙәр уларҙан ҡалышманы, “Барселона” исемен алды. Уйындың баш судъяһы Балалар һәм үҫмерҙәр спорт мәктәбендә футбол секцияһы тренеры Владимир Харланов булды.
Ҡатын-ҡыҙҙар көлөшөп, футболды шаяртып уйнаһалар ҙа, баш судъяның һыбыҙғыҙы тынып торманы, ул футбол уйынының бөтә ҡағиҙәләрен үтәүҙе талап итте.
Һөҙөмтәлә, матч дуҫлыҡтың еңеүе менән тамамланды. Уйында ҡатнашыусылар ҙа, көйәрмәндәр ҙә, ойоштороусылар ҙа яҡшы кәйеф менән таралышты.
Читайте нас: