Нефтекамала — “Милләттәр кросы”

17 сентябрҙә илебеҙ буйынса үткән күләмле сара меңдәрсә әүҙем йәшәү рәүеше алып барыусыларҙы берләштерҙе. Был саранан Нефтекама ла ситтә ҡалманы, “Милләттәр кросы-2021” Бөтә Рәсәй марафонына ҡушылды.

Сәләмәтлек һуҡмағында үткән массакүләм йүгерештә ҡатнашыу өсөн 200-ҙән ашыу ҡатнашыу теркәлде. Тәүгеләрҙән булып ярыштың төп ҡатнашыусылары — балалар йүгерҙе. Йүгереү көнөн өлкән һөнәрмәндәр япты. Иң йәш йүгереүсегә — 5, иң өлкәненә 71 йәш ине. Финишҡа һәр кем үҙ рекордын ҡуйып һәм был көн тураһындағы хәтирәләрҙе иҫендә ҡалдырып килде.