Ҡурай
+17 °С
Болотло
Бөтә яңылыҡтар
Йәштәр
6 Февраль 2020, 22:06

Ағиҙелдәр Николо-Березовкала уңышлы сығыш яһаны

Краснокама районыны үҙәге – Николо-Березовкала “Бала саҡтың хәүефһеҙ юлы” КВН уйынының ярым финалы үтте. Ағиҙел ҡалаһы намыҫын 1-се мәктәп командаһы яҡланы.

Беренсе конкурс йола буйынса командалар менән танышыуға бағышланған ине. “Визитка”ларҙың темаһы – “Юл хәрәкәте ҡағиҙәләренә курс тот!” тип аталды. “Нисек ЮХДДИ инспекторы булырға” тип аталған конкурста капитандар юл ҡағиҙәләрен белеүҙә көс һынашты. Өсөнсө конкурс иң ҡыҙыҡлыһы булды. “Башлаусы водителдәр өсөн тест-драйв” конкурсында командалар үҙҙәренең башҡарыу маһирлығын күрһәтә алды.
Гран-приҙы Нефтекама ҡалаһы командаһы яуланы, ә ағиҙелдәр беренсе урында булды. Ошо ике команда Өфөгә финалға барасаҡ.
Әйткәндәй, ошо көндәрҙә башҡорт гимназияһының “Зеленка" КВН командаһы Мәскәүҙә Бөтә Рәсәй Юниор-лигаһының ярым финалында һынауҙар үтә. Яңылыҡтарҙы күҙәтеп барығыҙ!
Читайте нас: