Йәштәр хакимиәттәре булдырыу яңы күренеш түгел. Күп кенә ҡала һәм райондар йәмәғәт эштәренә йәштәрҙе йәлеп итә. Үҫеп килеүсе быуын өсөн ҡаланың йәлеп итеүсәнлеген арттырыу, Нефтекама хакимиәте менән тығыҙ бәйләнештә эшләү һәм ҡала округының абруйын үҫтереү — яңы йәмәғәт ойошмаһының төп маҡсаты.
Студенттар һәм мәктәп уҡыусыларын уңышлы эшләүсе эшҡыуарҙар менән осраштырыу, социаль селтәрҙәрҙе дөрөҫ файҙаланыу, мәғлүмәти майҙансыҡтар ойоштороу һ.б. үткәреү планлаштырыла. Ҡала хакимиәте башлығы был идеяны хупланы. Даими рәүештә әүҙемлек күрһәтергә кәрәк буласаҡ.