Эфирҙа - мәктәп радиоһы

"Хәйерле иртә, яратҡан мәктәбем! Эфирҙа мәктәп радиоһы һөйләй!" – тип, һәр көн иртән Ҡалтасы ауылының 1-се һанлы урта дөйөм белем биреү мәктәбендә уҡыусылар һуңғы яңалыҡтар менән таныштыра.

Улар һәр тәнәфестә лә эфирға сығып төрлө хәбәрҙәр, уҡыу буйынса яңалыҡтар һәм яратҡан көйҙәр менән мәктәп тормошон байытып ебәрәләр.

Был мәктәптә район хакимиәте ярҙамыннан мәктәп радиоһы 1 сентябрҙән үҙ эшен башланы. Шулай уҡ эфирҙа «Спорт яңалыҡтары», «Тыуған көн менән ҡотлауҙар», «Иҫегеҙҙә тотоғоҙ» һәм башҡа төр хәбәрҙәр яңғырай.