Былтыр Башҡортостанда 5 өс игеҙ һәм 415 игеҙәк тыуған

Башҡортостан буйынса Социаль страховкалау фонды бала табыу сертификаттары нигеҙендә уҙған йылда республикала тыуған балаларҙың һаны тураһында мәғлүмәт бирҙе. Фондта белдереүҙәренсә, бөтәһе 36,9 меңдән ашыу сабый донъяға килгән.

Малайҙар бер меңгә тиерлек күберәк.

Бер йылда республикала 5 өс игеҙ һәм 415 игеҙәк бала тыуған. Иң күп тыуым март айында булған.

Йышыраҡ 34-35 йәшлек, ә 26 сабыйҙы 46 йәштән өлкән ҡатын-ҡыҙ тапҡан, тип белдерҙеләр ведомствола.

14 ҡыҙ һәм 23 малай 5 килограмм ауырлыҡта тыуған.

Яңы тыуған сабыйҙарҙың уртаса буйы — 52 сантиметр, ауырлығы — 3,3 килограмм. 

Сығанаҡ: «Башинформ» мәғлүмәт агентлығы.