Ҡурай
+14 °С
Болотло
Бөтә яңылыҡтар
Урындағы яңылыҡтар
4 Октябрь 2018, 17:55

Шулған ауылында үҙәк майҙан төҙөкләндереләсәк

2018 йылда Башҡортостан Республикаһы территорияһында «Заманса ҡала мөхитен булдырыу» өҫтөнлөклө проекты сиктәрендә барлығы 63 муниципаль ойошма ҡатнашты. Йәшәү өсөн заманса һәм ҡулай шарттар тыуҙырыуға йүнәлтелгән был проект федераль бюджет, төбәк һәм урындағы бюджеттар аҡсаһынан финанслана.

«Заманса ҡала мөхитен булдырыу» программаһы асфальт түшәү, ҡоймалап алыу, яҡтылыҡ урынлаштырыу кеүек эштәрҙе үҙ эсенә ала. Бындай эштәр Тәтешле районы Шулған ауылында ла старт алды. Ауыл халҡының теләге менән Үҙәк майҙанды төҙөкләндереү күҙ уңында тотола. Бындағы таушалған иҫке тротуарҙар урынына яңыһы түшәлеп, иҫке ҡоймалар металдан яһалғанына алмаштырыласаҡ. Шулай уҡ территорияны яҡтыртыу, эскәмйәләр, сүп һауыттары урынлаштырыу ҙа ҡаралған.
Үҙәк майҙан – шулғандарҙың яратҡан урыны. Бында башҡа төбәктәрҙән ҡайтыусылар ҙа йыш килә. Шуға ла халыҡ программа сиктәрендә тап бына ошо урынды тәртипкә һалырға ниәт итте лә инде.
Июнь аҙағында был майҙанда шау-гөр килеп Йәштәр көнө үтте. Байрамға килеүселәр туйғансы ял итеп, уйын-конкурстарҙа ҡатнашты. Сарала Илһам һәм Сулпан Сәхәүетдиновтарҙың никахтары теркәлде. Йәш ғаилә барлыҡҡа килеүе Шулған ауылы халҡы өсөн айырыуса ҙур һөйөнөс булды.
Читайте нас: