Башҡортостанда ҡоҙоҡта ҡатын-ҡыҙ мәйете табылған

Стәрлетамаҡта ағымдағы йылдың ноябрь аҙағында хоҡуҡ һаҡлаусылар ҡоҙоҡта ҡатын-ҡыҙ мәйетен тапҡан. «Башинформ» агентлығына белгән сығанаҡ хәбәр итеүенсә, ул йылға яҡын шунда ятҡан.

«Яҡынса мәғлүмәттәр буйынса, ирле-ҡатынлы баҡса участкалары биләмәһе буйлап китеп барғанда улар араһында ыҙғыш сыҡҡан. Ир ерҙә ятҡан таяҡты алып бер нисә тапҡыр ҡатынының башына һуҡҡан һәм, уның йығылғанын күрмәйенсә, артабан киткән. Кире әйләнеп килеүенә ҡатыны йән биргән. Уның кәүҙәһен яҡындағы ҡоҙоҡҡа ташлаған, мәйет ошо көнгәсә шунда ятҡан», — тип һөйләне сығанаҡ.

Ҡыҙы юғалған әсәһе тураһында ике ай самаһы элек кенә иҫенә төшөргән. Ул полицияға ғариза яҙған. Ҡатынды ҡоҙоҡ төбөндә тапҡандар.

Әле хоҡуҡ һаҡлау органдары ваҡиға сәбәптәрен асыҡлай.

http://www.bashinform.ru/bash/1247510/