Хәйруллиндарҙың ҡайҙалығын белгәндәргә – 1 миллион!

Банктан аҡса алып ҡасҡан Луиза менән Марат Хәйруллиндарҙың ҡайҙалығын белмәйһегеҙме? Белһәгеҙ, мәғлүмәт өсөн миллион һум вәғәҙә итәләр!

Был турала “Тура эфир” тапшырыуында билдәле алып барыусы Андрей Малахов белдерҙе.

Тапшырыуҙа ғаиләнең туғандары, күршеләре һәм Башҡортостан журналистары ҡатнашты. Һәр кем ваҡиғаға үҙенең ҡарашын белдерҙе. Мәҫәлән, күршеһе әйтеүенсә, уларҙың ғәйеп булыуында криминал, хатта үлтереү булыуы ихтимал.

Студия эксперттары иһә Луиза ғаиләһе менән әллә ҡасан сит илдәлер тип фаразлай. Ни өсөн тигәндә, уларҙың урлашыуы һәм ҡасыуы бик яҡшы планлаштырылған булған.

Автор: Әлфиә МИНҒӘЛИЕВА.

https://bash.rbsmi.ru/articles/y-m-i-t/kh-yrullindar-y-ay-aly-yn-belg-nd-rg-1-million-/