31 августа Нефтекамала Ҡала көнөнә арналған саралар үтәсәк.

31 августа Нефтекамала Ҡала көнөнә арналған саралар үтәсәк. Байрам программаһының бай һәм киң ҡырлы булыуы көтөлә: көнө буйына ҡалала традицион һәм яңы күңел асыу майҙансыҡтары эшләйәсәк.

Ҡала көнө сәғәт 11-ҙә Үҙәк майҙанда иртәнге «Йондоҙ менән зарядка»-нан башланып китәсәк. Зарядканы башҡорт эстрадаһы йондоҙо, музыкант-мультиинструментсы, бейеүсе, шоумен ZAINETDIN (Заһир Зәйнетдинов) үткәрәсәк. Ошонда уҡ «Бала саҡ йәйғоро» һәм и «Ҡаланы атлап үт» квестары ойоштороласаҡ. Әйткәндәй, квеста теләгән һәр кем ҡатнаша ала. Бының өсөн 28 авгусҡа тиклем [email protected] электрон почтаһына заявка ебәрергә кәрәк.

Театр йылы сиктәрендә ҡалаға Башҡорт дәүләт ҡурсаҡ театры саҡырылған, ул Үҙәк майҙанда «Урман йәрминкәһе» спектаклен күрһәтәсәк. 18 сәғәттә байрам сараларын «Йәштәр кварталы» фестивале дауам итәсәк.

Хоккей һөйөүселәрҙе Боҙ һарайы сәғәт 11-ҙә көтә. Ошо ваҡытта ҡала хакимиәте Башлығы Кубогына хоккей турниры финалы башлана.

Сәнғәт скверында сәғәт 11-ҙә башланған «Күңел менән һәр саҡ йәш» фестивале 60 йәштән өлкәнерәктәрҙе саҡыра.