Абай булығыҙ: коррупцияға юл ҡуймайыҡ!

Башҡортостан Республикаһы Башлығы вазифаһын ваҡытлыса башҡарыусы Радий Хәбиров коррупцияға ҡаршы эшмәкәрлек йәйелдерҙе.

Республикала коррупцияға ҡаршы көрәште ғәмәлгә ашырыуға, хоҡуҡ боҙоуҙары иҫкәртеү өсөн яуаплы кешеләрҙең эшмәкәрлеген камиллаштырыуға, пропаганда һәм аңлатыу эштәренең һөҙөмтәлелеген арттырыуға ҙур иғтибар йүнәлтелә.

Коррупцияға ҡаршы көрәш буйынса эшмәкәрлектә мәғлүмәт технологияларын ҡулланыу йәһәтенән мөһим аҙымдар яһалды. Илдә һәм республикала коррупцияға ҡаршы ҙур эш беренсе йыл ғына дауам итмәй, әлбиттә. Рәсәй Президенты ла ошо йәһәттән эшмәкәрлекте көсәйтеүҙе талап итә, сөнки коррупция ил иҡтисадының үҫешен тотҡарлай, эшҡыуарҙар, бизнес өсөн ҙур проблемалар тыуҙыра. Был һәр кем өсөн асыҡ, аңлайышлы.

https://bash.rbsmi.ru