Шыршы энәләре ҡойолмаһын тиһәгеҙ…

Урман шыршыһы үҙенең хуш еҫе, матурлығы менән һушты ала, тик бер аҙна үтеүгә энәләрен ҡоя ла башлай. Яңы йыл символын нисегерәк оҙағыраҡ һаҡларға?

Шыршы биҙәр алдынан уны бер аҙ тоҙ, шәкәр, бер- ике аспирин төймәһе һалынған һыулы биҙрәгә ултыртығыҙ.

Шыршы ултыртырға ағас крестовинаны ҡулланығыҙ. Ағасты глицерин иҙмәһендә тотоп алығыҙ. Шунан һуң ҡырҡылған урынына иретелгән шәм һылағыҙ. Әгәр ҙә шыршығыҙҙың өйөгөҙҙө оҙағыраҡ йәмләүен теләһәгеҙ, олонон бер аҙ урталай ҡырҡып, һыулы йөн сепрәк тығығыҙ. Уны һыу менән сылатып торорға онотмағыҙ.

Фото : Т. Аманов.

Яңылыҡ авторы: Зөһрә Йәһүҙина

Сығанаҡ https://yeshlek.rbsmi.ru/articles/ya-yly-tar-ta-ma-y-netu/Shirshi-en-l-re-oyolma-in-ti-ge-46679/

Читайте нас: