Башҡорт әҙәбиәтенең классиғы, азатлыҡ йырсыһы Шәйехзада Бабичтың тыуыуына 125 йыл тулыу уңайынан Краснокама районында әҙәби саралар ойошторола

"Никольск сиркәүе" тарихи-мәҙәни үҙәгендә Николо-Березовка мәктәбенең 9 класс уҡыусылары өсөн "Шәйехзада Бабич - башҡорт тарихы шәхесе" исемле әҙәби-шиғри сара үтте.

Уҡыусылар Шәйехзада Мөхәмәтзәкир улының бай йөкмәткеле ижадын иҫкә алып, уның шиғырҙарын уҡыны.

Шәйехзада Бабичтың ижады егерменсе быуат башы поэзияһында ғына түгел, дөйөм башҡорт әҙәбиәте тарихында күренекле урындарҙың береһен алып тора. Ҡәләм оҫтаһы ҡыҫҡа ғына ғүмерендә халыҡ күңеленән юйылмаҫ әҫәрҙәр ҡалдыра.

Шәйехзада Бабичтың әҫәрҙәре егерменсе быуат башы әҙәбиәтендә генә түгел, барлыҡ башҡорт әҙәбиәте тарихында иң күренекле урындарҙың береһен алып тора. Уның шиғырҙары, балладалары, эпиграммалары, фельетондары милләтебеҙҙең әҙәбиәт, рухиәт донъяһында мәңге юйылмаҫ тарихи эҙ ҡалдырҙы.

Читайте нас: