2020 ЙЫЛДА КЕМДӘР ДИСПАНСЕРЛАШТЫРЫУ ҮТӘ?

Был иҫәпләү 18 йәштән алып 40 йәштәгеләргә тиклем актуаль. 40 йәштән һуң был процедураны, сикләүҙәргә ҡарамаҫтан, йыл һайын үтергә мөмкин.

Диспансерлаштырыу ике этапта уҙа. Башта медицина профилактикаһы кабинетында теркәлеү үтергә кәрәк, унда кәүҙә ауырлығы, буй, ҡан баҫымы тураһында мәғлүмәттәр менән анкета тултырыла, хәүеф факторҙары асыҡлана.

Артабан тикшеренеүҙәр үткәреләсәк кабинеттар күрһәтелгән маршрут ҡағыҙы бирелә. Һөҙөмтәләрҙе алғандан һуң табип, кәрәк булһа, өҫтәмә тикшеренеү үтеү өсөн тар белгестәргә юллама бирә. Был – диспансерлаштырыуҙың икенсе этабы.

Тикшеренеүҙәр йомғаҡтары буйынса табип пациент ингән сәләмәтлек төркөмөн билдәләй.

беренсеһе – кеше сәләмәт, унда ауырыу билдәләре, киләсәктә патологияның үҫеше өсөн хәүеф факторҙары юҡ;

икенсеһе – тикшереү барышында йөрәк, ҡан тамырҙары ауырыуҙары, шәкәр диабеты барлыҡҡа килеү хәүефе асыҡланһа;

өсөнсөһө – аныҡ ауырыуҙар билдәләнһә, кеше тар белгестәрҙә диспансер иҫәбенә ҡуйыуға, медицина ярҙамы күрһәтеүгә мохтаж.

Диспансерлаштырыу һеҙ беркетелгән поликлиникала үткәрелә.

өс йылға бер тапҡыр үтеүселәргә бер көн – барыһы өсөн дә;

йыл һайын ике көн – пенсия йәшенә етеп килеүселәр һәм пенсионерҙар өсөн.

- Диспансерлаштырыу уҙыу өсөн һеҙгә уңайлы ваҡытта үҙәк район дауаханаһы поликлиникаһы регистратураһына мөрәжәғәт итергә кәрәк.

Үҙегеҙ менән паспорт һәм страховка полисын алырға онотмағыҙ.

Фото: gorodz.info