Ҡурай
+26 °С
Болотло
Бөтә яңылыҡтар
Урындағы яңылыҡтар
26 Ғинуар 2020, 15:05

ЙОНДОҘНАМӘ (27 ғинуар – 2 февраль)

Алдағы аҙнала йондоҙҙар нимә вәғәҙә итә?

ҠУҘЫ
Маҡсатҡа өлгәшеү өсөн уңыш­лы аҙна. Матди ярҙамға йәки һөнәри үҫешкә өмөт итә алаһығыҙ. Эргәгеҙҙә көнсөлдәр бар. Тик борсолмағыҙ – улар һеҙгә аяҡ сала алмаҫ.

БУҒА
Аралашыуҙарға һәм осра­шыуҙарға бай осор.Үҫеш өсөн мөмкинлек асыла. Тормо­шо­ғоҙҙо үҙгәртеү теләге тыуһа, туҡтап ҡалмағыҙ.

ИГЕҘӘКТӘР
Ижад һәм эшҡыуарлыҡ ме­нән шөғөлләнгәндәр уңыр. Маҡ­сатҡа өлгәшеү өсөн яңы танышлыҡтар эҙләгеҙ. Дәүләт хеҙмәтендәгеләргә иғтибарлы булыу, бурысын теүәл үтәү шарт.

ҠЫҪАЛА
Был аҙнала ашыҡмаҫҡа кә­ңәш ителә. Эш урынында бәғзе бер мәсьәләләрҙе кисектереп тороғоҙ. Юҡ-барға борсолмаҫҡа тырышығыҙ. Ҡайһы берәүҙәр көтмәгәндә ғашиҡ булыр, моғайын.

АРЫҪЛАН
Осор көсөргәнешле, әммә ҡыҙыҡлы булмаҡсы. Мөһим мәсьәләләрҙе йылдам хәл итергә тырышығыҙ. Матди хәле­геҙ яҡшырыр. Аҙнаның икенсе ярты­һында аҡсаға бәйле эштә һаҡ булығыҙ.

ҠЫҘ
Тормошоғоҙҙо тамырынан яҡшы яҡҡа үҙгәртергә ваҡыт. Һөнәри үҫеш, аҡса мәсьәлә­ләрен уңышлы хәл итерһегеҙ. Төштәрегеҙгә иғтибар итегеҙ: улар нимәлер тураһында иҫкәртә түгелме?

ҮЛСӘҮ
Эске тойомлау һәләтенең көсәйеүен тойорһоғоҙ. Уға тая­нып байтаҡ мәсьәләләрҙе хәл итерһегеҙ. Яҡындарығыҙ ме­нән аралашҡанда төртмә телле бул­маһағыҙ, низағлашыуҙан ҡотолорһоғоҙ.

САЯН
Күптән борсоған серле һорауҙарға яуап табырһығыҙ. Алыҫ сәфәрҙәр уңышлы тамамланыр. Әүҙем тормоштан ҡотолоп, йыш ҡына яңғыҙ ҡалыу теләге тыуыр. Үҙегеҙгә бер аҙ ял бирегеҙ.

УҠСЫ
Күңелегеҙ үҙгәрештәр кө­ҫәр, шуға ла уйланылмаған аҙым­ға барыуығыҙ ихтимал. Эштә аяҡ салырға маташырҙар – һаҡ булығыҙ. Эске тойомлауға таян­һағыҙ, дөрөҫ ҡарар ҡабул итерһегеҙ.

ЫЛАҠ
Эш урынында ыңғай ваҡи­ғалар көтөлә. Аҡсалата бүләк тә тапшырырҙар, моғайын. Шәхси тормошта иһә барыһы ла тыныс кеүек. Ял көндәрендә ҡунаҡ көтөгөҙ.

ҺЫУҒОЯР
Аҙна эшлекле бәйлә­неш­тәргә бай булмаҡсы. Матди мәсьәләләр ҙә ыңғай хәл ителер. Шулай ҙа кредит алмаҫҡа, сәйер эшкә аҡса һалмаҫҡа кәңәш ителә.

БАЛЫҠ
Был аҙнала һәр йәһәттән уңышҡа өлгәшеү мөмкинлеге бар, шуға ла кисекмәҫтән эшкә тотоноғоҙ. Айырыуса ижади эшмәкәрлек менән шөғөлләнгәндәр уңыр, байтаҡ яңы тәҡдимдәр булыр.
Сығанаҡ https://bash.rbsmi.ru/articles/matur-t-en-yaly-y/yondo-nam-27-inuar-2-fevral/
Читайте нас: