«Олатайымдың миҙалы» - иң яҡшы хикәйәгә конкурс шулай тип атала

Краснокама районы тарих һәм тыуған яҡты өйрәнеү музейы 1941-1945 йылдарҙағы Бөйөк Ватан һуғышы ветерандары (тыл эшсәндәре) тураһында «Олатайымдың миҙалы» тип аталған иң яҡшы хикәйәгә конкурс иғлан итте.

Әлеге конкурс Бөйөк Ватан һуғышында Еңеүҙең 75 йыллығын байрам итеү сиктәрендә үткәрелә.

Конкурста район мәктәптәренең 7-17 йәшлек уҡыусылары ҡатнаша ала. Ҡатнашыуға заявкалар район музейында 15 апрелгә тиклем ҡабул ителә. Түбәндәге телефон буйынса белешмәләр алырға була: 8(34759)7-65-09. Эштәрҙе шулай уҡ [email protected]. электрон почтаһына ебәрергә мөмкин.

Өс йәш категорияһында 1, 2 һәм 3 дәрәжә еңеүселәре дипломдар менән бүләкләнәсәк һәм Өфө ҡалаһының «Дан музейы»на экскурсияға ебәреләсәк. Барлыҡ ҡатнашыусыларға ла дипломдар һәм иҫтәлекле бүләктәр тапшырыласаҡ.

Фото vk.com

Читайте нас: