Саҡмағошта уңайлы махсус ял итеү урыны буласаҡ

Матур йәй көнөн ғаилә менән паркта үткәреү – үҙе бер ғүмер бит ул. Һәр ҡаланың һәм ҡаланың йәмле ял итеү урыны булыуы яҡшы. Ә бына быға тиклем Саҡмағош районы үҙәгендә матур, уңайлы һәм заманса махсус ял итеү урыны юҡ ине.

Тиҙҙән иһә хәлдәр үҙгәрәсәк. Ғаилә менән ял итеү өсөн тәғәйенләнгән парк Саҡмағоштоң географик үҙәгендә урынлашҡан. Унда сәхнәһе булған майҙан, урам экраны, спорт зонаһы, заманса балалар майҙансығы була.

Бөйөк Ватан һуғышында ҡатнашҡан яҡташтарына арналған хәтер аллеяһында Мәңгелек ут, Советтар Союзы Геройҙары Вахит Ғәлимовтың, Ғабдрахман Латиповтың һәм Василий Николаевтың, Дан орденының тулы кавалеры Шәйхелислам Сәлиховтың бюстары урынлашҡан. Район үҙәгенең төп урамдарын тоташтырған аллея композицияның күсәре буласаҡ. Әйткәндәй, төҙөлөштө Башҡортостан Республикаһының Социаль маҡсатлы программалар фонды финанслай. Парк быйыл июнь аҙағында асылыр, тип көтөлә.

Әле йәйәүлеләр өсөн һуҡмаҡтарға шаҡлаҡлап ҡырҡылған таш түшәү, асфальт һалыу һәм сәхнә ҡуйыу эштәре бара.

Быларҙың барыһы ла ил Президенты Владимир Путин ҡул ҡуйған май указдары нигеҙендә барлыҡҡа килгән “Торлаҡ һәм ҡала мөхите” милли проектының “Уңайлы ҡала мөхитен формалаштырыу” федераль проектына ярашлы барлыҡҡа килде.

Сығанаҡ: “Башҡортостан” гәзите.

Фото: allufa.ru