Өфөлә Фәйзи Ғәскәров исемендәге ансамбль «Ете ҡыҙ» фонтаны янында сығыш яһай

Өфөлә Ф.Ғәскәров исемендәге дәүләт академия халыҡ бейеүҙәре ансамбле «Ете ҡыҙ» фонтаны янында сығыш яһай. Сара милли кейем көнөнә һәм 81-се концерт миҙгелен асыуға арнала.

Сығыш 10 сентябрҙә киске сәғәт 7-се 30 минутта «Ете ҡыҙ» фонтаны янында була.

Ғәскәровсылар «Йәнле легенда» проекты менән таныштыра һәм башҡорт халыҡ бейеүе «Ете ҡыҙ»ҙы башҡара.

Миҙгел асыу тантанаһы 18 сентябрҙә «Торатау» конгресс-холында ойошторола.

«Оҙайлы тәнәфестән һуң ғәскәровсылар йәнә ҙур сәхнәлә концерт программаһы менән сығыш яһай. Ансамбль тамашасыға ЮНЕСКО-ның «Донъя илсеһе» исеменә һәм «Биш континент» алтын миҙалына лайыҡ булған «Донъя халыҡтары бейеүҙәре» программаһын тәҡдим итә, — тип хәбәр итте ансамблдең матбуғат секретары Элиза Сынбулатова. — Концертта бөтә санитар-эпидемиологик нормаларҙы үтәү мотлаҡ. Тамашасыларҙы битлектә килеүҙәрен һорайбыҙ».

Фото: «Башинформ» мәғлүмәт агентлығы