Ҡала уртаһында... ҡәберлек!

Уның һүҙҙәренсә, ҡәберлек һәм цинк табут яҡшы һаҡланған. Ә мәйет һөйәктәренең торошо ҡәбергә йөҙ йыл тирәһе икәненә ишаралай. Өҫтәүенә, ер аҫтында тотош зыярат урынлашҡан тип күҙаллана, сөнки артабан унда өс ҡәбер табыла. Өлкән йәштәге кешеләр әйтеүенсә, уларҙың икәүһе Дүртөйлөгә нигеҙ һалыусының бүләһе менән уның ҡатыныныҡы.

Ҡасандыр майҙандан алыҫ түгел сиркәү урынлашҡан була. Һәм шул тирәлә ҡәберлектәр ҙә тапҡан булғандар. Урындағы рухани һөйләүенсә, элек ябай кешеләрҙе - иман йорто артында, ә диндарҙарҙы алдында ерләгәндәр, шуға быға аптырарға кәрәкмәй.

Әле биләмә кәртәләп алынған. Унда прокуратура һәм полиция эшләй. Табылған кеше һөйәктәрен яҡындағы сиркәү ихатаһына күсереп ерләмәкселәр.

Фото: utv.ru