+23 °С
Облачно
Урындағы яңылыҡтар
18 Декабря 2020, 15:00
Краснокама уҡыусылары башҡорт телен яҡшы белә
Башҡорт Юниор КВН лигаһының VIII миҙгел онлайн-уйынында Краснокама районынан ике команда ҡатнашты: “Яңы ҡабандар” (Яңы Ҡабан урта мәктәбенән) һәм “Замана балалары” (Ҡуян урта мәктәбенән).
VIII миҙгел онлайн-форматта үтте. Командалар башҡорт телен өйрәнеүҙең актуаллеген күрһәткән видеороликтар һәм башҡорт телен өйрәнеүгә биш-мем мотиватор ебәрҙе.
Миҙгелдең темаһы – “Беҙ үҙебеҙ”, уйындың темаһы – “Башҡорт теле көнө”. Республика район һәм ҡалаларынан был уйында 28 ғариза ҡабул ителгән, 21 команда финалда ҡатнашҡан. 14 декабрҙә уйындың һөҙөмтәләре билдәләнде. “Замана балалары” командаһы рейтинг буйынса етенсе урында. Улар өсөнсө миҙгелдә ҡатнаша. “Яңы ҡабандар” командаһы дебютанттар булыуҙарына ҡарамаҫтан, шулай уҡ бик уңышлы сығыш яһаны.