Вирус ҡорбандары йәнә артты

Республикала коронавирус инфекцияһын йоҡторғандар һаны артыуын дауам итә. Оператив штаб мәғлүмәттәре буйынса, пандемия осоронда бөтәһе 27 739 кешегә ошо диагноз ҡуйылды, һуңғы тәүлектә сирлеләр һаны тағы ла 146-ға артты.

Тәүлек эсендә 23 ауырыу һауыҡҡан, 281 пациент стационарҙарҙа , 5 243 ауырыу амбулатор шарттарҙа дауалана. Ҡыҙғанысҡа ҡаршы, дүрт ауырыуға табиптар ярҙам итә алмаған. Вирус ҡорбандары һаны 256-ға етте.

Өҫтәүенә миҙгелгә хас киҫкен респиратор вируслы сирҙәр ҙә арта. Йәмәғәт урындарында битлек режимын һаҡлау әүәлгесә мөһим. Үҙегеҙҙе лә, яҡындарығыҙҙы ла сирҙәрҙән ҡурсалағыҙ!

Фото: namenu.ru

https://bash.rbsmi.ru/articles/s-l-m-t-bulayy/Virus-orbandari-y-n-artti-688983/

Читайте нас: