Каруанһарайға– 175 йыл

2021 йылда Ырымбурҙағы “Каруанһарай” тарихи-архитектура комплексының 175 йыллығына арналған саралар уҙғарыла. Башҡортостан Республикаһы Башлығы ошо датаны байрам итеү тураһындағы Указға ҡул ҡуйҙы.

Добавить в предпочтительные источники Google

Документҡа ярашлы, Хөкүмәт вице-премьеры Азат Бадранов рәйеслегендә сараларға әҙерләнеү һәм уларҙы үткәреү буйынса республика ойоштороу комитеты составы раҫланды.

Ырымбурҙағы тарихи-архитектура комплексы 1837 – 1846 йылдарҙа ирекле иғәнәләр иҫәбенә төҙөлә. Унда Башҡорт-мишәр ғәскәрҙәре командующийы канцелярияһы, Ырымбурға эш буйынса килгән башҡорттар һәм мишәрҙәр өсөн ҡунаҡхана, башҡорттар өсөн оҫтахана һәм мәктәп урынлаштырыла. Комплекс Башҡорт халыҡ йортонан һәм мәсеттән тора. 1917 – 1918 йылдарҙа Каруанһарай бинаһында республика хөкүмәте резиденцияһы һәм башҡорт ғәскәрҙәре штабы урынлаша.

Фото: https://www.bashinform.ru/m/news/1574136

https://bash.rbsmi.ru/articles/bash-ort-donya-y/Karuan-aray-a-175-yil-735747/