Яңауыл мәктәптәренең береһендә 3,6 тонна макулатура йыйылды

27 апрелдә 1-се мәктәп уҡыусылары, уларҙың ата-әсәләре һәм уҡытыусылар 3,6 тонна макулатура йыйҙы — был “Планета урмандарын һаҡлайыҡ!” экологик акцияһының йомғаҡтары. Ғәҙәти аналогия буйынса иҫәпләгәндә, йыйылған макулатуранан 21 мең дәфтәр йәки 7980 рулонға яҡын бәҙрәф ҡағыҙы эшләргә мөмкин, тип хәбәр иттеләр мәғариф учреждениеһынан.

Икенсел сеймалды иң күбе — 500 кг — 2-се Б класы (класс етәксеһе Ю.А. Васильева) йыйҙы, 2 урынды — 6-сы Б класы (класс етәксеһе Г.И. Закирова) һәм 3 урынды 4-се А класы (класс етәксеһе Г.Т. Закирова) алды. Улар тарафынан 370 һәм 320 кг макулатура йыйылды.