Путин сит ил цифрлы валюталарын иҫәпкә алып, РФ финанс системаһының именлеген тәьмин итеү тураһында Именлек советы менән фекер алышты

Рәсәй Президенты Владимир Путин сит илдәрҙә цифрлы валюталар эшләү шарттарында илебеҙ мәнфәғәттәрен тәьмин итеүгә ҙур иғтибар бирергә кәрәк тип иҫәпләй.

“Беҙ бөгөн донъяның алдынғы дәүләттәрендә милли цифрлы валюта эшләнмәләренә ҡарата Рәсәй финанс системаһының мәнфәғәттәрен һәм хәүефһеҙлеген тәьмин итеү тураһында һөйләшәсәкбеҙ”, — тине дәүләт башлығы йома көндө РФ Именлек советының даими ағзалары менән үткән кәңәшмәлә. Путин баһалауынса, “был ентекле профессиональ тикшереүҙе талап иткән етди мәсьәләләр”.

Кәңәшмәлә Хөкүмәт башлығы Михаил Мишустин, Федерация Советы рәйесе Валентина Матвиенко, Именлек советы башлығы урынбаҫары Дмитрий Медведев, РФ Президенты Хакимиәте етәксеһе Антон Вайно, Именлек советы секретаре Николай Патрушев, сит илдәр эштәре министры Сергей Лавров, оборона министры Сергей Шойгу, Федераль хәүефһеҙлек хеҙмәте директоры Александр Бортников, Тышҡы разведка хеҙмәте башлығы Сергей Нарышкин, Президенттың тәбиғәтте һаҡлау эшмәкәрлеге, экология һәм транспорт мәсьәләләре буйынса махсус вәкиле Сергей Иванов ҡатнашты.

Сығанаҡ: РФ Президентының рәсми сайты.