Ҡытайҙың көньяғында пассажирҙар самолеты һәләкәткә осраған

«Ҡытай Халыҡ Республикаһының Гуанси-Чжуан автономиялы районында China Eastern Airlines авиакомпанияһының Boeing 737 пассажирҙар самолеты ҡолаған», — тип хәбәр итте «РИА Новости» агентлығы Ҡытай Халыҡ Республикаһының милли телевидениеһына һылтанма менән. 

Ҡорбандар һәм яраланғандар тураһында әлегә мәғлүмәт юҡ. Телеграм-каналдар мәғлүмәте буйынса, бортта 133 кеше булған. Эҙләү-ҡотҡарыу эштәре алып барыла. Һәләкәт урынында урман янғыны башланған.

Агентлыҡҡа Рәсәйҙең Гуанчжоуҙағы генераль консуллығынан хәбәр итеүҙәренсә, лайнерҙа Рәсәй граждандарының булыуы тураһында мәғлүмәт юҡ.

Сығанаҡ: «Башинформ» мәғлүмәт агентлығы.