Краснохолмский ауылында яңы һәйкәл асылды

Һәйкәл асыу башланғысы менән урындағы нефтсе ветерандар ике йыл элек сыҡҡайны. Һәм бына, «Башнефть» акционерҙар нефть компанияһы һәм район хакимиәте ярҙамында Халыҡтар берҙәмлеге көнө алдынан һәйкәл тантаналы рәүештә асылды.

Һәйкәл өс метрҙан ашыу бейеклектәге нефть вышкаһы рәүешендә яһалған, эргәһендә - ике эшсе белгес. Улар араһында скульптура композицияһы авторҙары скважиналар быраулау өсөн ҡорал урынлаштырған.

Район хакимиәте башлығы Зәбир Ғабдуллин билдәләүенсә, был һәйкәл Ҡалтасы ерендә нефть барлыҡҡа килтереүҙең башында тороусыларҙың һәм улар артынан барыусыларҙың барыһына ла арналған.

Ҡалтасы ерендә нефть сәнәғәтенең барлыҡҡа килеү һәм үҫеү тарихын иҫкә төшөрҙөләр. 73 йыл элек беренсе нефть разведкаһы булдырыла, ул Ҡырпы ауылында урынлаша. Ә Ҡалтасылағы тәүге контора Александровка ауылында урынлашҡан була. Шулай килеп сыға, контора унда яйлашмай, һәм етештереү базаһы өсөн Красный Холм ауылы эргәһендәге майҙанды һайлайҙар.

Дөйөм алғанда, бик күп нефтселәрҙең исемдәре, уларҙың ҡаҙаныштары район тарихына яҙылған. Һәм яңы һәйкәл уларҙың данлы эштәре, Башҡортостандың нефть ҡеүәтен ғәйәт ҡатмарлы шарттарҙа булдырған кешеләр тураһында хәтерләтәсәк.

Сығанаҡ: "Калтасинская заря"