Ҡалтасы оҫталары мобилизацияланған яугирҙар өсөн буржуйка-мейес яһаған

Ошо көндәрҙә Ҡалтасы 1-се һәм 2-се урта мәктәптәре уҡыусылары ата-әсәләре менән хәрби хеҙмәткәрҙәр өсөн посылкалар йыйған, уларҙа яугирҙарға кәрәкле йылы әйберҙәр, ойоҡбаштар, шәхси гигиена саралары һалынған. Йәш патриоттар үҙҙәренең посылкаларын М.Шайморатов исемендәге ирекмәндәр штабына тапшырған.

Хәрби хеҙмәткәрҙәргә ярҙамға Анатолий Решетников һәм Айрат Ғәлиев та үҙ өлөшөн индерергә булған: мобилизацияланған һуғышсылар өсөн улар буржуйка-мейестәр эшләгән.

Райондың ирекмәндәр штабында гуманитар ярҙам йыйыу дауам итеүен әйттеләр.

Сығанаҡ: Калтасинская Заря.