Ғәҙәттән тыш хәлдәр министрлығы янғын иҫкәрткестәрен 2000 һумға һатҡан мутлашыусылар хаҡында хәбәр итте

Башҡортостан буйынса Ғәҙәттән тыш хәлдәр министрлығы үҙҙәрен ведомство белгестәре тип таныштырып, ҡиммәт хаҡҡа янғын иҫкәрткестәрен тәҡдим иткән мутлашыусылар тураһында хәбәр итте. Мәҫәлән, республикала — 2000 һумдан алып.

«Рәсәйҙең Ғәҙәттән тыш хәлдәр министрлығы түләүле хеҙмәттәр күрһәтмәй. Хеҙмәткәрҙәр янғын хәүефһеҙлеген тәьмин итеү буйынса приборҙарҙы һатыу өсөн өйҙән-өйгә йөрөмәй. Янғынды иҫкәрткес уртаса 500 һум тора. Уны махсус магазиндарҙа, шулай уҡ билдәле интернет-магазиндарҙа һатып алырға мөмкин. Былтыр ошо ҡоролма 1175 кешенең ғүмерен ҡотҡарған», — тип белдерҙеләр ведомствола.

Сығанаҡ: «Башинформ» мәғлүмәт агентлығы.