Башҡортостандың хәрби комиссары контрактсы хәрбиҙәр өсөн йәш сикләүе хаҡында һөйләне

Башҡортостандың хәрби комиссары Михаил Блажевич Республика идара итеү үҙәгенә биргән интервьюһында контракт буйынса хәрби хеҙмәткә 18 йәштән 60 йәшкә тиклемге ир-егеттәрҙе ҡабул итеүҙәрен иҫкә төшөрҙө. Шул уҡ ваҡытта кеше һирәк һөнәргә эйә һәм һаулығы ныҡ икән, йәш планкаһын 65 йәшкә тиклем күтәреүҙәре ихтимал.

Тикшереү аҫтында булған йәки психоневрология диспансерында иҫәптә торған йә иһә табип-нарколог күҙәтеүе аҫтындағы кандидаттарҙың ғаризалары ҡаралмай, тип билдәләне Михаил Блажевич.