Ҡалтасы районы халҡы яҡташтарын оҙатты

10 майҙа иртән Ҡалтасы районында махсус хәрби операцияға үҙҙәре теләп барыусыларҙы тантаналы оҙатыу сараһы уҙҙы. Ҡыйыу яҡташтарыбыҙға башҡорт батальондарының береһе составында МХО-ла ҡатнашыу тора.

Район хакимиәте башлығы Зәбир Ғабдуллин йыйылған яугирҙарға изге теләктәрен еткерҙе. Дин әһелдәре – ғибәҙәтхана настоятеле Сергей атаҡай, Ҡалтасы һәм Яңауыл райондары мосолмандарының имам-ахуны Ибраһим хажи хәҙрәт Әбйәлетдин һәм мари ҡарты Радислав Зәйнетдинов хәрби хеҙмәткә теләктәшлек һәм фатиха бирҙе.

Ҡуҙғалыр алдынан Ватанды һаҡлаусылар менән һөйләшә алдыҡ.

- Был аҙымға һеҙҙе нимә этәрҙе, ни өсөн үҙ иркегеҙ менән барырға булдығыҙ?

- Минең бик күп дуҫтарым махсус хәрби операцияла ҡатнаша, - тип яуап бирҙе  ирҙәрҙең береһе. - Хәрби бурыстарҙы үтәүҙә уларға ярҙам итеүҙе үҙемдең бурысым тип иҫәпләйем.

- Минең ағайым Чечня территорияһындағы хәрби хәрәкәттәрҙә ҡатнашты. Тыуған илде һаҡларға минең дә сиратым етте, - тине икенсеһе.

- Ватанды, балаларҙы, ҡарттарҙы, ғаиләне һаҡлау өсөн барам. Өс балам бар. Һәм мин уларҙың тыныс ваҡытта йәшәүҙәрен, ата-бабаларын хөрмәт итеүҙәрен теләйем, - тип яуап бирҙе өсөнсө ир. 

Сығанаҡ: Калтасинская Заря.