Краснохолмский мәктәбе уҡыусылары МХО яугиры менән осрашты

Майҙың ҡояшлы көндәренең береһендә 1-се Краснохолмский урта мәктәбе   алдында хәрби кейемдәге ир-егет күренде. Ул ошо мәктәпте тамамлаған, хәҙер иһә Донбаста махсус хәрби операцияла ҡатнашҡан яугир, тыуған ауылына ҡыҫҡа ваҡытлы ялға ҡайтҡан.

Уҡытыусылар һәм уҡыусылар менән осрашыу тулҡынландырғыс һәм иҫтә ҡалырлыҡ үтте. Был ысын Ҡаһарманлыҡ дәресе ине.

Башланғыс класс уҡыусылары яугир өсөн йырҙар һәм шиғырҙар әҙерләгән. Ә ул хеҙмәтенең нисек үтеүе тураһында һөйләне. Уҡыусыларҙың күп һанлы һорауҙарына яуап биреп, һалдат беҙҙең хәрбиҙәргә ярҙам итеүҙең мөһимлеген билдәләне. Яҡташтарының йылы һүҙҙәр яҙған хаттары һәм тыуған яҡтан барған посылкалар һәр хәрбиҙең күңелен йылыта һәм уларҙың хәрби рухын нығыта.

Был осрашыуҙа 2-се Б класы уҡыусылары «Рәсәй бөркөттәре» йәмәғәт ойошмаһы сафына ҡабул ителде. МХО һалдаты йәш армеецтар менән бергә уҡыусыларға значоктар беркетте.

Сара аҙағында уҡыусылар һалдатҡа һаулыҡ, көс, ҡыйыулыҡ һәм өйгә тиҙерәк ҡайтыуын теләне.

Сығанаҡ: "Калтасинская Заря".