Нефтекамала - иң яҡшы мәктәп ашханаһы

Нефтекама ҡалаһының Башҡорт гимназияһы ашханаһы «Иң яҡшы мәктәп ашханаһы – 2023» бөтә рәсәй конкурсында иң яҡшыларҙың береһе булды.

14 ноябрҙә Мәскәүҙә «Иң яҡшы мәктәп ашханаһы – 2023» бөтә рәсәй конкурсы еңеүселәрен бүләкләү тантанаһы үтте. Конкурста 65 төбәктән, шул иҫәптән Нефтекаманан 104 команда ҡатнашты.

Беренсе көндә ҡатнашыусылар яңы технологиялар ҡулланып һәм сервировкаға ижади ҡараш менән әҙерләнгән мәктәп ашамлыҡтары менән тематик өҫтәлдәр тәҡдим итте. Артабанғы көндәрҙә ярымфиналға һәм финалға үткән ҡатнашыусыларға «Ата-әсәләрҙән өс һорау» блиц-турнирында һәм «Хәүефһеҙ аҙыҡ блогы» квест-практикумында ҡатнашырға тура килә.

Һөҙөмтәлә Башҡорт гимназияһының мәктәп ашханаһы ике номинацияла конкурс лауреаты булды.