Нефтекамала өс ғаилә торлаҡ шарттарын яҡшыртыуға сертификаттар алды

Ватанды һаҡлаусылар көнө алдынан Нефтекама ҡалаһы хакимиәтендә шатлыҡлы ваҡиға булды - бер юлы өс ғаилә торлаҡ шарттарын яҡшыртыуға сертификаттар алды.

Әминевтар, Ибаевтарһәм, Тимербаевтар ғаиләләре тантаналы шарттарҙа ҡала хакимиәте башлығы Эльдар Вәлидов ҡулынан торлаҡ шарттарын яҡшыртыуға таныҡлыҡ алды. Дөйөм алғанда 8 миллион һум самаһы.

Бәхетле ғаиләләр әйтеүенсә, улар был мәлде бер йыл ғына көтмәгән. Денис менән Лилиә Әминевтарҙың ғаиләһе күп балалы, уларҙың өс ҡыҙы бар. Торлаҡ шарттарын яҡшыртыуға сират йәш ғаилә булараҡ, улар өйләнешкәндән һуң тороп ҡала. Һәм бына, ниһайәт, күптән көтөлгән мәл етте. Алынған сумманы ир менән ҡатын яңы фатирының ипотекаһын ябыуға тотонорға ниәтләй.