Нефтекама ПНИ командаһы ярыштарҙа еңеүсе булды

Нефтекама психоневрология интернаты командаһы Башҡортостан Республикаһының стационар социаль хеҙмәтләндереү учреждениеларында йәшәүсе социаль хеҙмәттәр алыусылар араһында саңғы ярыштары буйынса асыҡ республика ярыштарында еңеүсе булды.

Ярыштар Баҡалы балалар-үҫмерҙәр спорт мәктәбенең саңғы базаһында үткәрелә. Нефтекама психоневрология интернатының намыҫын ярыштарҙа Артур Ясавиев, Алексей Сысоев, Владимир Бегунов, Евгений Иванов һәм Рәшит Дильмиев яҡлай.

Дистанцияларҙа көсөргәнешле көрәштән һуң еңеүселәр билдәләнә һәм бүләкләнә. Шәхси зачетта Артур Ясавиев беренсе урынды яулай (18-35 йәш категорияһы), Владимир Бегунов 35-50 йәш категорияһында, 50+йәш категорияһында сығыш яһаған Евгений Иванов кеүек үк, икенсе була. Алексей Сысоев «Коляскалы» категорияһында бронза яулай. Дөйөм команда иҫәбендә Нефтекама ҡалаһы интернаты командаһы беренсе урын алды.