Нефтекамала һайлаусыларҙың әүҙемлеге участкалар асылғандан алып билдәләнә

Һайлаусылар өсөн Нефтекама ҡалаһы участкалары иртәнге сәғәт һигеҙҙә дәүләт гимны тауышына асылды. Беренсе һайлаусыларға, иң әүҙем һайлаусылар булараҡ, бүләктәр тапшырыла.

448-се участка комиссияһы рәйесе Илдар Абдуллин һүҙҙәренсә, бындай әүҙемлек тауыш биреүҙең тәүге минуттарынан уҡ ҡыуандыра.

- 2-се мәктәптә урынлашҡан 488-се һайлау участкаһында иртәнән алып халыҡ күп булды. Кешеләр участка асылғанға тиклем баҫҡыста сиратта тора. Күптәр эш башланыр алдынан тауыш бирергә килде, - тип билдәләне ул.