Нефтекамалар - иң яҡшы 15 педагог иҫәбендә

Нефтекама ҡалаһының балалар баҡсалары тәрбиәселәре «Башҡортостан Республикаһының мәктәпкәсә белем биреү ойошмаһының йыл педагогы» республика профессиональ конкурсында уңышлы сығыш яһаны һәм республиканың иң яҡшы 15 мәктәпкәсә белем биреү вәкиле иҫәбенә инде.

Нефтекама ҡалаһынан республика конкурсында профессиональ конкурстың ҡала этабы еңеүселәре - 43-сө балалар баҡсаһы тәрбиәсеһе Зинфира Ершова һәм 39-сы балалар баҡсаһы тәрбиәсеһе Инзилә Шәйәхмәтова ҡатнашты.

Ике конкурсант та республика конкурсында лайыҡлы сығыш яһаны, конкурстың финалсылары булды һәм республиканың мәктәпкәсә белем биреүҙең иң яҡшы 15 вәкиле иҫәбенә инде.

Фото: Нефтекама ҡалаһының мәғариф идаралығы