Нефтекамаға Запорожье өлкәһенән үҫентеләр килтерелде

Махсус хәрби операцияла ҡатнашыусы «Учитель» (позывной) үҙе менән Нефтекама ҡалаһына Запорожье питомнигынан ағас үҫентеләрен алып килгән. Үҫентеләрҙе уға ватандаштары ил төбәктәренең берҙәмлеге билдәһе итеп тапшыра.

Уҙған йылдың көҙөндә яугир Запорожьеға республика халҡы йыйған ике йөҙ ағас үҫентеһен алып килде. Уларҙы Днепропрудный ҡалаһында ултырталар, ул хәҙер Дуҫлыҡ Аллеяһын биҙәй. Урындағы халыҡ яуап итеп ишара яһай. Отпуск алғас, Учитель унан ағас һәм ҡыуаҡ үҫентеләрен алып ҡайта, уларҙы урындағы питомниктар бирә.

Учитель махсус хәрби операцияла ҡатнашыусыларға Һәм уларҙың ғаилә ағзаларына ярҙам итеү Үҙәгенә бүләкне тапшырҙы. Үҫентеләрҙең бер өлөшө элек Бөрө, Благовещен һәм Өфөгә таратылған.

Нефтекамаға килтерелгән үҫентеләрҙе апрелдә «Йәшел Башҡортостан» акцияһын уҙғарыу сиктәрендә ҡалала ултырталар.