Нефтекама уҡытыусыһы - Бөтә Рәсәй конкурсы призеры

Нефтекама ҡалаһының 2-се мәктәбенең татар теле һәм әҙәбиәте уҡытыусыһы Әлиә Шафиҡова Бөтә Рәсәй туған тел уҡытыусылары конкурсы призеры булды.

Ҡазанда туған тел уҡытыусыларының Бөтә Рәсәй конкурсы тамамланды. Рәсәй Федерацияһының төрлө субъекттарынан педагогтар «Оҫталыҡ дәресе», «Дәрестән тыш эшмәкәрлек проекты» һәм «Түңәрәк өҫтәл» конкурс һынауҙарында ҡатнашты.

Республикабыҙ исеменән Нефтекама ҡалаһының 2-се мәктәбенең татар теле һәм әҙәбиәте уҡытыусыһы Әлиә Шафиҡова сығыш яһаны. Конкурс йомғаҡтары буйынса ул икенсе урын яулап, призер була.