Иң яҡшы йорт һәм ихата – Нефтекама ҡалаһында

«Управдом» төбәк форумында Башҡортостан башлығы Радий Хәбиров республика йорттарын һәм ихаталарын төҙөкләндереүҙе баһалаған конкурстарҙа еңеүселәргә наградалар тапшырҙы. Һәм Нефтекама ҡалаһы тәүге ике урынды алды.

«Ҡала округының иң яҡшы күп фатирлы йорто» тип Дорожная урамындағы 15-се йорт таныла. Ә «Иң яҡшы йорт яны территорияһы» исеменә Нефтселәр урамы, 25-се йорт адресы буйынса ихата лайыҡ була.

Йорт комитеттары рәйестәре һәм идара итеүсе компания вәкилдәре Радий Хәбиров ҡулынан еңеүселәр дипломдарын һәм 750000 һумлыҡ аҡсалата сертификаттар алды.

Был аҡсалар тик йәшәүселәрҙең көнкүрешен яҡшыртыуға ғына тотонола ала.