Нефтекамала һалдаттарға машина тапшырылды

Еңеү көнө алдынан «Гранд-питание» яуаплылығы сикләнгән йәмғиәте СВО ҡатнашыусылары өсөн УАЗ автомобилен һатып ала, улар хәҙер алғы һыҙыҡта тора. Уның асҡыстары махсус операция зонаһынан кайткан нефтекамалыға тапшырылды.

- Махсус операция үткәреү зонаһына йүнәлтелгән гуманитар йөктәрҙе формалаштырыуҙан ситтә ҡалмайбыҙ. Һуңғы һатып алыуыбыҙ – Нефтекама яугирҙары өсөн УАЗ автомобиле. Баштан уҡ беҙ аҙыҡ-түлектән йөк формалаштырҙыҡ, финанс ярҙам күрһәттек. Мин дә, беҙҙең ойошма ла ҡала халҡына даими ярҙам итергә тырышабыҙ һәм ҡала инфраструктураһын яҡшыртыуға һәм кешеләргә ярҙам күрһәтеүгә йүнәлтелгән төрлө проекттарҙа ҡатнашабыҙ, - тип һөйләне компания директоры Рөстәм Минязов.

Тиҙҙән яугирҙарға туғандарынан һәм яҡындарынан шәхси посылкалар, шулай уҡ төҙөлөш материалдары, йылы әйберҙәр, аҙыҡ-түлек, беренсе кәрәк-яраҡ әйберҙәре һәм башҡалар махсус операция үткәреү биләмәһенә йүнәлтеләсәк. Бүләк ителгән УАЗ шулай уҡ бөтә кәрәкле әйберҙәр менән тултырыласаҡ. Башҡа автомобилдәр менән бергә ул тәғәйенләнгән урынына барасаҡ.