Халыҡ-ара ғаилә көнөндә Нефтекама ҡалаһының ЗАГСында бер юлы 10 сабый тәүге документын алды. Дөрөҫөрәге, уларҙың ата-әсәләре. Сөнки ваҡ төйәктәргә бер ай ҙа юҡ.
Атай-әсәйҙәрҙе был мөһим ваҡиға менән ҡотланы һәм уларға сабыйҙарының тәүге документын, тыуыу тураһында Таныҡлыҡты, ҡала хакимиәте башлығының беренсе урынбаҫары Илфат Минязев тапшырҙы. Шулай уҡ ул йәш ата-әсәләргә иҫтәлекле бүләктәр тапшырҙы.
Нефтекаманың 10 ғаиләһенә ҡарата баш табиптың акушерлыҡ-гинекология ярҙамы буйынса урынбаҫары Гөлнара Ибраһимованың ауыҙынан да йылы теләктәр яңғыраны. Әсәйҙәренә, атай-әсәйҙәренә йомшаҡ һәм йылы юрғандар бүләк итте.
Был матур байрамды балалар баҡсаһы тәрбиәләнеүселәре үҙҙәренең сығыштары менән биҙәне. Шулай уҡ йәш нефтекама артистары үҙҙәренең музыкаль композициялары менән тантаналылыҡты һыҙыҡ өҫтөнә алды.