Нефтекама ҡалаһында уҡыусылар араһында волейбол буйынса «Башҡортостан Лигаһы – Балалар» республика ярыштарының төбәк финалы уҙҙы. Ҡала командалары уйындар йомғаҡтары буйынса беренсе урынды яулай.
Нефтекама ҡалаһы ярыштарҙа 12-се мәктәп егеттәре һәм 15-се мәктәп ҡыҙҙары командалары ҡатнашты. Ҡатнашыусыларҙың көрәше сағыу һәм мауыҡтырғыс була, майҙансыҡта шаяртыуһыҙ дәрт ҡайнай, ҡатнашыусыларҙы ла, көйәрмәндәрҙе лә эмоциялар солғап ала.
Осрашыуҙар йомғаҡтары буйынса 1-се урынды Нефтекама ҡалаһы, 2-се урынды Яңауыл ҡалаһы, 3-сө урынды Краснокама районы яуланы.
Хәҙер командаларға финалда республиканың башҡа көслө командалары менән көрәшергә тура киләсәк.