Нефтекама «Миллениумы» Минскиҙа уңышлы сығыш яһаны

Лариса Шәрипова етәкселегендәге ижад Һарайының «Миллениум» эстрада-спорт бейеүҙәре ансамбле Минскиҙа «Славян осрашыуҙары» халыҡ-ара конкурс-фестивалендә бик шәп сығыш яһаны.

Өс номинацияла балалар ике беренсе урын һәм төп приз – фестивалдең Гран-приһын яуланы. «Миллениум» дың халыҡ-ара конкурс-фестивалдәге сығыштары фурор тыуҙыра, беҙҙең егеттәр тураһында баш ҡала гәзитендә яҙалар һәм белорус телевидениеһында репортаж яһайҙар.

Бынан тыш, «Миллениум» тәрбиәләнеүселәре Рәсәй – Беларусь футбол буйынса легендалар матчында һәм Багдасаровтарҙың билдәле циркында була. Бәхетле һәм ҡанатлы балалар Нефтекамаға юғары наградалар ғына түгел, сәйәхәттән сағыу тәьҫораттар ҙа алып килде.